1 | |
AF222a: 145v bir kimesne dāʾimā sirke ile etmek yėse beñzinüñ ṣarulıġuñ giderür // ṣaqal dökilen ādeme fındıq dögüb yüzine süreler ṣaqalı yėrine gele // ve demregüsi olan ādeme it necāsetin sirke ile ezüp süreler // ucuq olan ādeme ve ınçıqırıq marażına uçuq olana gerekdür ki bir yılanı qatl ėdüp daḫı // bir yėrde qoyup qurdlana andan qurduñ bir ikisin ṣuʾile ezüp yėdüreler // ısırġı içün ʿilāc budur ki bir yumurda alup için çıqarup bir aqçe aġrı zaʿferān // ve yarım qaşıq gül ṣuʾı ve altı damla sirkeʾi bunlar ki ḫalṭ ėdüp kettān bezi // üzerine sürüp üzerine uralar bir qaç defʿada defʿ ola Ṭatar qurdına ʿilāc ṭavşanuñ ödin dutdügi zamānda yuta ayrıq dutmaya // sidügi yolında ṭaş olan ādeme dilkünüñ qanında bir qaşıq içüreler defʿ ola // sidügi yolında bir kimsenüñ zaḥmet olsa ḫatme yapraġıñ [!] ʿasel ile yaġile qatup yiye // defʿ ve bir kimsenüñ sidügi yolında qum gelse ve selesü l‑bevl olsa turbı südile pişürüp // yiye defʿ ola üç kerre yiye şartdur istisqā olan ādeme dāyimā ṭuz yėmege ʿādet ėdine defʿ ola ve nevʿ‑i dīger istisqādan // ʿilāc deve südin ve deve sidügin içüreler ġāyet nāfiʿdür Ḥażret‑i Resūlden // mervīdür ʿ[aleyhi s‑selā]m ṣufrası çıqan ādeme feslegen dögüp ṣufrasına sirke ve āheste āheste içerüye süre ayruq // çıqmaya kel başa ʿilāc yumurda qabun yaqup bir miqdār qurum ve bir miqdār ṭuz qatup // dögüp iç yaġıyla qarışdurup baʿde t‑terāş bir qaç defʿa süreler nāfiʿdür |